Qunar.com去哪儿网

上官競的评论："只系換個地方玩桌游 " 原先系口號就系甘樣！ 自駕電雞去大學城，途經渡輪。票價系1蚊， 儘管佢個牌渡寫住機動車與人，都係標價1蚊！來來往往嘅人當中，電雞占大多數，私家車都有！ 船開得好穩！對於第一次嘅人嚟講，真系好有趣！而且走嗰陣，居然仲唔使錢添，後來聽到，大概系6點半過后，私家車就唔可以坐渡輪過海，所以估計6點半后嘅工作人員收工，所以唔使銭。由大學城翻出嚟尾班船係8點。 9點45分到|梁明诚雕塑园^~嘩！~~~多人到，好多人喺呢個時候原來已經嚟咗了！我原先以為10點已經好 早了，大多數以家庭為主，到咗晚黑留落嚟，就係年輕人為主。 我哋呢次租嘅，都系要自己搭，不過好彩營地嘅上一手無拆，所以我哋先唔使再搭，如果唔系，呢個又要花多咗半個鐘，我哋個位，可以睇到南沙港 大橋嘅日落，真系好正！好多人，都喺呢個時候嚟影相！~~ 遊戲 大家又有興趣嘅遊戲都真系唯有：TEXAS HOLD`EM POKER…打咗兩盤三個鐘。 活動完之后，我充分甘感受到并唔系換個地方玩桌游 甘簡單！~~好耐 以嚟，我已經忘記咗出外遊玩嘅嗰種感覺！~一個星期花一日啫，就能感受到喺KFC桌遊以外嘅美好！ “帶嘢”真系好關鍵！帶多咗無用嘅，占地方又重；帶少咗嘢，又唔方便，水真系要帶多啲，同埋好多露營嘅設備，如果想體驗好啲嘅話，都真系仲要自己添置！ 附贈攻略 交通：駕車同自駕電雞都得，私家車系免費停車！但去要帶嘅設備比較多，公交嘅話，可能唔太方便！電雞嘅話，由新造坐渡輪過去1蚊/位,尾班船系8點！ 租賃設備：天幕；凳；卡式爐；臺，都可以租！8人嘅話，大概系280左右，但唔包安裝！亦都有可以安裝嘅服務，但就貴啲！ 位置先到先得，好嘅位置（靠海）一般早到早得；無門票；大概10點鐘左右夠海嘅位置都已經畀人搶得差唔多了！ 自帶設備：10升左右嘅水，附近亦都有裝水嘅地方，但要去到好遠，而且都系人家嘅住戶！建議自帶一個水頭龍那種扭的開關！ 食物：鐘意帶乜就乜，一般系禁止明火煮食嘅，但現場10個入面有9個都系自帶卡式爐明火煮食！一次性碗筷！調味料！ 照明設備：帶咗YONGNUO YN600 air，好方便，照亮好多，傍晚打后要用了！裝飾燈愈多愈 有氣氛！ 廁所：附近有兩個次所，不過女廁一般排滿人，男廁衛生超差（開大可免則免）；如果有電雞嘅話就可以去遠啲嘅廁所，嚟到新地方一般要先好廁所喺邊！ 相機；太陽眼鏡；蚊香；透明膠；夾；驅蚊水；飛盤；桌游；刀；鉸剪；紙巾；充電寶；泡泡槍；風箏； |#春天到了，带我出去玩^