Qunar.com去哪儿网

上官競的评论： 旁晚食飯超多人，嚟遲啲都無位，一般提前打電話去預訂比較穩陣啲！而且門口停與位比較緊缺，一般要停得比較遠，或者夠膽嘅話就停路邊！雖然系有以上嘅唔方便，但傍晚食飯嚟到嘅都好滿下，好多時，都要等位，佢嘅位都比較靈活，有10臺，有4人臺，有2人臺！ 嚟呢度，一般系食魚生比較多，但亦都有其它炒餸嘅！ 唔知系咪太多人，魚生反而系上得最慢嘅，其它熟食，反而先上咗，呢度有個唔好咯，應該先食生再食炒吖嘛！可見佢廚房唔夠人，而魚生都系馬上殺，應該系新鮮嘅！ 叫咗條5-6斤嘅海鱸嚟做魚生，感覺就唔系好多，大概只有三盤嘅魚生左右！ 9個人食，只能講系餐前小食！ 然後，鱸魚嘅其它嘢，一半炒米粉；一半炒河粉！魚骨用嚟清蒸，清蒸真系一啲都唔好食，如果有其它方法嘅話，就會好食啲吧，原先系想鼓汁的！ 佢呢度有個唔好嘅地方，菜單只可以掃碼點餐，無實體嘅餐牌，對老人家相當唔友好，然後埋單時嘅賬單，唯有上咗乜乜菜，但無實體嘅價錢，對單嘅時候對咗個寂寞！希望改善一下！ 白灼羅氏蝦（250g）,9個人完全唔夠食，如果人數有返甘多嘅話，建議500g會合適一啲！ 鹽焗花螺 - 太多沙了，食落口感好差，好差咯，同我喺某寶上買嘅便價貨，差唔多！ 醬爆魷魚筒 - 切開嚟炒的魷魚筒，感覺一般吧 瀨尿蝦生 - 10-12只左右， 真系好少，一人一淡就無了，不過就真系幾好食，由其加埋檸檬汁！ 豉汁蒸竹腸 - 真系冷咗就唔好食，而且會變得好韌，一啲都唔爽！唔知系咪混合咗，其它部分嘅腸！ 香菠酸甜骨 - 并唔系太好食，甜與酸之間揾唔到一個平衡，另外肥豬肉比較多！ 呢度有WIFI,密碼系：13428877700